يواصل الشاعر المبدع وحيد غنيم كتابة أشعاره المعبره عن حالات ومواقف…واليوم يكتب:: سنين مرت ياما نستنى.
سنين مرت ياما ..مستنى تعيش اللحظه..سعيد متهنى عزفت ألمك نغم.. وبتغنى آه يا زمان العجب باعد عنى قلوب اتمنيت.. قربهامنى أو برنة ودّها يوم.. تهاتفنى سنين الفراق أسى تعاصفنى معانى الأمان قلبى واصفنى إيه ياترى.. واصللكم عنى حد بينكم وبينى بايعنى؟ باقول لروحى وقلبى سامعنى اُصبر يا ما قبلك كتير شافوا.. اكتر م اللى شفته قلوب دابوا وشربوا كاس الود..وعذابه اُصبر يمكن العمر يسمح لك وباب السعد لحظه يفتح لك ويعود لك تانى أمان قربك.
