كفر الزيات مشروع توصيل الغاز للمنازل

محمدعزالدين-مصرالنهاردةtv تو شوارع كفر الزيات وقولتو بنعمل مشروع توصيل الغاز للمنازل قولنا وماله والله كويس واهو الناس حترتاح من الانابيب والاستغلال اللى بيحصل بسببها
خلصتو التوصيلات ونسيتو حتى اعاده الشىء لاصله اللى حضراتكو متفقين مع الشركه عليها يعنى كل شبر اتكسر يرجع زى ما كان 24 قيراط واحسن طبعا محصلش ولحد النهارده الشوارع زى الزفت
استنينا سنه مفيش غاز
سنتين مفيش غاز
طب استنو ده فى رئيس مجلس مدينه جه كويس اوى اسمه رمضان عيد اهو هو ده اللى حيخلى مشروع الغاز يشتغل للأسف خلص مدته ومشى ولسه مفيش غاز
يااااه استنو بيقولو ان اللواء إبراهيم شمس رئيس مجلس ومدينه كفر الزيات اللى جه خلاص حيشغل الغاز
لا ده خلاص اتنقل
وجه مكانه اللواء احمد مجاهد
خلاص بقا هو اللواء احمد مجاهد اللى حيشغل مشروع الغاز
لا ده حيطلع معاش كمان شهر
طب وبعدين ؟
مازلنا فى الانتظار